Оқытуға алимент өндіріп алу туралы талап медиация тәртібімен шешілді
Успен аудандық соты алимент өндіріп алу туралы талап бойынша азаматтық іс бойынша медиативтік келісімді бекітті.
Жауапкердің 19 жасар қызы сотқа шағым түсіріп, соттан 21 жасқа толғанға дейін әкесінен алимент өндіріп алуды сұрады. Қыз университетте күндізгі формада оқиды, осыған байланысты материалдық қолдау қажет.
Сот отырысында тараптар медиация тәртібімен істі тоқтату туралы өтініш білдіріп, сотқа медиативтік келісімді ұсынды, оның шарттары бойынша қызы талап қоюдан бас тартады, ал әкесі оны оқу уақытында ұстауға міндеттенеді.